వ్రాసినది: శ్రీవాసుకి | ఏప్రిల్ 5, 2010

ఆర్.ఎస్.ఎస్. పుస్తక పరిచయం…!

నేటి మన హిందూ దేశంలో, కేవలం వారికొరకే పనిచేసే సంస్థ, ఆర్‌యస్‌యస్‌ను అపార్థం చేసుకున్నట్లుగా, ఇంకా దేనినీ అపార్థం చేసుకోరేమో! అదీ హిందువులే. అటువంటి రాష్ట్రీయ స్వయంసేవక సంఘ స్థాపకులు, డా.కేశవరావు బలిరాం హెడ్గెవార్‌గారి సమగ్ర జీవిత చిత్రణ ఇది. ఒక నవలగా సాగే, స్వర్గీయ గోపాల్ నీలకంఠ దాండేకర్‌గారి రచనకు, ఇంకో కార్యకర్త రాంభావ్ హల్దేకర్‌గారి అనువాదమిది.

ఫైజాపూర్‌లో కాంగ్రెసు మహాసభలు జరుగుతున్నాయి. దాని ప్రారంభంలో, పండిట్‌జీ ధ్వజారోహణ చేస్తున్నారు. 80 అడుగుల ధ్వజ స్తంభం, కాని పతాకం మధ్యలో ఇరుక్కుపోయింది. ఎంత కదిలించినా పైకి వెళ్లటంలా. ‘ఇది చూచి, శిర్‌పూర్ ఆర్‌యస్‌యస్ శాఖకు చెందిన ఒక స్వయంసేవక్ కిషన్‌సింగ్ పరదేశీ ముందుకొచ్చి, శిక్షణ పొందిన కోతిలాగా చరచర పైకి ప్రాకి, తాడును సరిచేశాడు. ధ్వజారోహణ జరిగింది. అతని సాహసం ప్రేక్షకులకు అమిత సంతోషాన్ని కలిగించింది, అతని మీద రూపాయల వర్షం కురిపించారు. అతనిని బహిరంగ సభలో సన్మానించాలని నిర్ణయించబడింది. కాని ఇంతలో అతను స్వయసేవక్ అని తెలియటంలో ఆలోచన మానుకున్నారు.

డాక్టర్జీకి ఈ వార్త నాసిక్ చేరిన తరువాత తెలిసింది. ఈ విషయం 1937 మార్చి 23న ధూలియాలో చెబుతూ దేవపురా శాఖలో అతనిని చక్కగా అలంకరించిన కుర్చీలలో కూర్చోబెట్టి, వెండి గ్లాసును బహుకరించి సత్కరిస్తూ ‘దేశ గౌరవం ఎక్కడ ఆగిపోయినా, అది ఏ పార్టీకి చెందినదనే ఆలోచన లేకుండా, పరిగెత్తుకు వెళ్లటం మన కర్తవ్యం. ఈ పని కిషన్‌సింగ్ పూర్తిచేశాడు. ఈరోజు అతనికి చేసిన ఈ సత్కారం, అతని ప్రవృత్తికి చేసిన సన్మానం’ అన్నారు డాక్టర్జీ.

సుమారు 300 పుటలలో, అతి వివరంగా చిత్రించబడిన ఈ రచనలో ఇలాంటి సంఘటనలు కోకొల్లలు. మన నిజామాబాద్ జిల్లా, బోధన్ తాలూకాలో గోదావరి, మంజీరా, హంద్రా నదుల సంగమంవద్ద ఉన్న తీర్థక్షేత్రం కందకుర్తి, అందువల్ల అక్కడ అనేక వైదిక కుటుంబాలు స్థిరపడ్డాయి. కందెకుర్తీశ్వరుని దేవాలయం శిథిలావస్థకు చేరటంతో, దాని పునర్నిర్మాణానికి పూనుకొని అర్జీలు పెట్టుకున్నారు. దేవాలయ శిఖరం, మసీదు శిఖరంకంటే ఎక్కువ ఎత్తుండగూడడదన్న షరతు! దానితో నిష్ఠాపరుడు నరహరశాస్ర్తీ హెడ్గేవార్, కందకుర్తి వదిలి, భోంస్లే రాజపరివారం ఉన్న నాగపూర్‌కు శాశ్వతంగా తరలిపోయారు.

హెడ్గేవార్ వంశ వారసత్వంలో, బలీరాంపంత్ కుమారుడే ఈ డాక్టర్జీ. జననం 1889 ఏప్రిల్ 1న. చిన్నతనంలోనే, తల్లితండ్రి ఇద్దరూ ఒకే రోజున ప్లేగువ్యాధితో మరణించటం, కొద్దిరోజుల తరువాత యావత్‌మల్ ప్రయాణం, అక్కడ చదువు, తరువాత కలకత్తా నేషనల్ మెడికల్ కాలేజీలో విద్యాభ్యాసంకోసం కలకత్తా ప్రయాణం.  తిరిగి డాక్టరుగా నాగపూర్ వచ్చిన తరువాత, అదే ప్లేగు వ్యాధితో అన్న మహిదేవశాస్ర్తీ మరణం.  వీటిమధ్య, 1925 విజయదశమిన సంఘ ప్రారంభం, వారి మనస్సులోని పేరే, దానికి 17-4-26 నుండి ‘రాష్ట్రీయ స్వయంసేవక్ సంఘ’ అనే పేరును శాశ్వతం చేయటం. అలాగే 1936లో, స్వర్గీయ కేల్కర్‌గారి భార్య శ్రీమతి లక్ష్మీబాయ్ కేల్కర్ వారిని కలిసి, వారి అనుమతితో, విజయదశమి రోజునే ‘రాష్ట్రీయ సేవికా సమితి’ని ప్రారంభించారు.   1936లోనే వారు లోదాలో జరిగిన కార్యక్రమంలో సంఘ కార్యాన్ని స్పష్టంగా వారు నిర్వహించారు. ‘సంఘంలో సంధ్యావందనం నేర్పారు. భోజనానికి కూర్చున్నప్పుడు, ప్రక్కవారి కులం అడగరు. అలాంటి స్థితిలో, సంఘాన్ని హిందూ ధర్మ సంరక్షుకులని ఎలా అంటారని కొంతమంది అడుగుతుంటారు.

‘కాని ఒక విషయాన్ని అర్ధంచేసుకోవాలి. ధర్మరక్షణ, ధర్మపాలన వీటిలో తేడా ఉంది. స్నానం, సంధ్యలాంటి వైయక్తిక ఆచారం పాటించటమంటే ధర్మరక్షణ కాదు. ఎవరికైతే ధర్మరక్షణ చేయవలసిన బాధ్యత ఉందో, వారిలో ధర్మంమీద జరుగుతున్న దాడిని ఎదుర్కొనే బలం అవసరం. … దాడి చేసే ప్రవృత్తి ఇతరులలో పెరుగుతున్నది. దానిని అక్కడే ఆపాలి. ఎవరైతే రొమ్ము విరిచి తలెత్తి జీవిస్తారో, దానికి కావలసిన శీలాన్ని, అనుశాసనాన్ని కలిగి ఉంటారో, అతడే హిందువు, వీటిని సమాజానికి నేర్పేవారే హిందువులు… హిందుత్వం ఈ దేశం యొక్క ప్రాణం, దాని రక్షణ బాధ్యత హిందువులే స్వీకరించాలని సంఘ్ కోరిక.’

ఇంకా ఈ పుస్తకంలో గాంధీజీ, సావర్కర్, డా.వనంజీలతో సంభాషణలు, పండిత్ మదన్‌మోహన్ మాలవీయా- ఇలా అనేకానేక పెద్దల తోటి చర్యలు, సంభాషణలు కోకొల్లలుగా ఉన్నాయి. గాంధీజీ ఆర్‌యస్‌యస్ శిబిరాన్ని దర్శించటం ఒక విశేషం. అలాగే డా.శ్యాంప్రసాద్ ముఖర్జీ, వారు అస్వస్థులై చివరి దశలో ఉన్నప్పుడు, సుభాష్ చంద్రబోస్ రాక, కాని మాట్లాడుకోలేక పోయారు.  1920 జూలై 31న లోకమాన్య తిలక్ మరణంలో, నాగపూర్‌లో జరగవలసిన కాంగ్రెస్ మహాసభలకు అధ్యక్షత వహించవలసిందని, పాండుచేరిలో ఉన్న శ్రీ అరవిందులను ఆహ్వానించేందుకు డా.వనంజీ, డా. హెడ్గెవార్‌లు వెళ్లటం, నిరాశతో రావటం- ఇలాంటివి కోకొల్లలు ఉన్నాయి. చరిత్ర పట్ల ఆసక్తిగల ప్రతివారూ చదివి తీరవలసిన పుస్తకం.

**ఈ వ్యాసం ఆంధ్రభూమి దిన పత్రిక నుండి తీసుకోవడమైనది. దాని తాలూకు లింక్ ఇక్కడ ఇస్తున్నాను.

 ఆంధ్రభూమి   (http://www.andhrabhoomi.net/aadivavram-andhrabhoomi/book-review-670 )

పుస్తకం కావల్సిన వారికి చిరునామా ఇది.

‘పెను తుఫానులో దీపస్తంభం’

మరాఠీ మూలం : గోపాల్ నీలకంఠ్ దాండేకర్, అనువాదం: రామచంద్ర సదాశివ హల్దేకర్

వెల 100/-

ప్రతులకు: సాహిత్యనికేతన్, 3-4-852,కేశవనిలయం,బర్కత్‌పురా, హైదరాబాద్ -500 027

ప్రకటనలు

Responses

  1. మంచి పరిచయం

  2. good intro

  3. హిందుత్వం ఈ దేశం యొక్క ప్రాణం, దాని రక్షణ బాధ్యత హిందువులే స్వీకరించాలని సంఘ్ కోరిక.

    Mana bhaarata desa ippati paristhithi ideee.
    Ye mathaani kainaa compatibility undi daanini tana lo imudchukogaligina jeevana vidhaanam unna bhaarateeyata, ee roju tana unikini kaapaadukovataaniki kashta padutondi.

    Sambhavaami yuge yuge… idi inkaa Kaliyugam, prathama paadam. Idi ennello teliyadu. Inkaa ilaantivi 3. Ippude intha daarunam gaa unte desam, enni daarunaalu jarigite aa yugapurushudu sambhavistaadu?

    I really doubt God, but I cannot confirm it as I was brought up like that! I cannot firmly tell!

    Sorry for this comment, this is totally irrelevant to post it here.

    Chandu.


స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

వర్గాలు

%d bloggers like this: