Like this:

నవంబర్ 1 మన ఆంధ్రప్రదేశ్ రాష్ట్ర అవతరణ. ఈ వీడియో ఆరోజే పెట్టాలనుకొన్నా కాని వేరే కారణాల వల్ల కుదరలేదు. అందుకే ఇప్పుడు మనందరి కోసం ఇక్కడ ఆనాటి మధుర తెలుగు గీతం. ఈ గీత రచన చేసినది శంకరంబాడి సుందరాచారి. పాడినది టంగుటూరి సూర్యకుమారి గారు. ఆమె టంగుటూరి ప్రకాశం పంతులు గారి బంధువు. 1942లో వచ్చిన దీనబంధు అనే సినిమా కోసం వ్రాసిన ఈ గీతం చాలా ప్రసిద్ధి చెంది తర్వాత ఆంధ్రరాష్ట్ర అధికార గీతంగా గుర్తింపు పొందింది. ఇక్కడున్న ఈ రెండు పాటలు టంగుటూరి సూర్యకుమారి గారు పాడినవే. ఇంకోటి వేరే సందర్భంలో బర్మింగ్ హమ్మ్ లో 1985 లో పాడినది. సూర్యకుమారి గారు 25 నవంబర్ 1925 లో పుట్టి ఏప్రిల్ 2005లో మరణించారు.

1.

2.

మా తెలుగు తల్లికి మల్లెపూదండ, మా కన్నతల్లికి మంగళారతులు,

కడుపులో బంగారు కనుచూపులో కరుణ,  చిరునవ్వులో సిరులు దొరలించు మాతల్లి.

గలగలా గోదారి కదలిపోతుంటేను,  బిరాబిరాక్రిష్ణమ్మ పరుగులిడుతుంటేను

బంగారు పంటలే పండుతాయీ, మురిపాల ముత్యాలు దొరులుతాయి.

అమరావతినగర అపురూప శిల్పాలు,  త్యాగయ్య గొంతులో తారాడు నాదాలు

తిక్కయ్య కలములొ తియ్యందనాలు నిత్యమై నిఖిలమై నిలచి వుండేదాకా

రుద్రమ్మ భుజశక్తి మల్లమ్మ పతిభక్తి   తిమ్మరసు ధీయుక్తి, కృష్ణరాయల కీర్తి

మా చెవులు రింగుమని మారుమ్రోగేదాక 

నీపాటలే పాడుతాం ,నీ ఆటలే ఆడుతాం

జై తెలుగు తల్లి ,జై తెలుగు తల్లి ……